Meditim: Brenga dhe lutja

Meditim për sot

“Nëse një brengë është shumë e vogël për t'u kthyer në lutje, ajo është shumë e vogël për t'u bërë barrë”.

Kjo lart thuhet se është një thënie e Kori Ten Boom, hebreje holandeze, përjetuese e holokaustit, autore e disa librave edhe në shqip, të përkthyera.

Mësojmë nga thënia:

• kjo tregon që kur ndeshemi në probleme të vogla ato duhet të mbesin aq të vogla sa ska pse edhe të kthehen e të bëhen lutje.

• tregon se duhet t’i masim realisht gjërat e jo të bëhemi paniçarë, alarmues siç thuhet në popull “mizën e ban bullë”.

• kjo na thotë se duhet të kemi aq besim e kulturë marrëdhënjësore që e vogla mbetet e vogël dhe nuk sillet si fakt e kundërargument dikur.

• kjo na tregon që karakteri ynë bëhet “presnjak” (i pacipë) duke toleruar që brenga e vogël të bëhet barrë ama ende ne nuk lejojmë që të kthehet në lutje por e mbajmë barrë dhe e rrisim pastaj me kalimin e kohës.