Akademia Teologjike është partnere e BILD International në Ames të SHBA-ve dhe siguron arsimim joformal me bazë kishe dhe kjo është fuqia dhe risia kryesore teologjike e shtrirë në tri nivele universitare (niveli baçelor, master dhe doktoratë). Akademia përfaqëson teologji biblike dhe jodenominacionale. Kisha është qendra e planit të Krishtit.

Të pajiset çdo udhëheqës i kishës shqiptare kudo me kompetenca thelbësore në njohuri, karakter dhe aftësi në përputhje me Udhën e Krishtit dhe Apostujve të tij me qëllim që të ndërtohen ekipe të një mendjeje drejtuesish që themelojnë mirë kishën e tyre, të krijojnë rrjete dhe shumëfishim kishash lokale. Forcimi i kishave ishte thirrja dhe kujdesi i apostujve.

Po është e akredituar nga agjencia amerikane DEAC. Të gjithë studentët e Akademisë janë edhe studentë të fakultetit “Antioch School” në Ames të Iowa.

Të gjithë të krishterët që janë në pozita udhëheqëse por për disa arsye kanë mbetur mbrapa me arsimim sekular ose teologjik, ose ndjehen që duhet të riaftësohen e të zotërojnë shkathtësi të reja. Edhe nëse nuk je një drejtues por ke dëshirë që të jesh atëherë mund të jesh kandidatë. Rekomandimi kërkohet nëse ka një drejtues që e siguron këtë e nëse jo nuk është kusht.

Akademia teologjike nuk zhvillon mësim (mësimdhënie) në forma klasike pasi ndjek një model ndryshe të mësimnxënie. Procesi arsimor mund të zhvillohet në kishën e juaj, në shtëpi, online, në një lokacion tjetër. Akademia nuk ka objekte të veta në pronësi por synimi është që kisha lokale bëhet vendi dhe domosdoja e këtij arsimimi ashtu siç kishte ndodhur në kishën e hershme.

Pasi që keni lexuar materialet e duhura shkollore ju përcaktoheni për programin dhe kjo duhet të jetë në përputhje me shërbenjësinë tënde pasi ky kualifikim nuk bëhet sa për diplomë por për shërbenjësi me bazë kishe apo rrjeti të kishave ose shërbenjësive të tjera krishtere.

Secili kandidat duhet të mbushë aplikacionin e Antioch School. Kërkohet ID dhe diploma. Ti duhesh të kesh një mentor lokal që do e mentorojë punën tuaj e që zakonisht është një drejtues kishe ose një tjetër drejtues i cili po ashtu e ka të mbaruar këtë arsimim teologjik.

Në Amerikë nisi para 40 viteve, kurse në Shqipëri më 2002 e në Kosovë më 2009. Të certifikuarit e parë në Kosovë u bënë në vitin 2012. Gjithë materialet janë në gjuhën shqipe.

Asnjë! Pranohen vetëm ato provime që janë kryer brenda këtij fakulteti. Ju mund të thoni pse? Sepse ky arsimim teologjik ndjek një paradigmë tjetër teologjike e cila quhet sipas Udhës së Krishtit dhe Apostujve të tij, e kjo nënkupton zbatimin e teologjisë primare të Krishtit dhe apostujve të tij e jo të teologjive tjera sekondare a terciare.

Secili nivel ka kurset e veta dhe për këtë shih listën e kurrikulës. Ka kurse që janë të njëjta por varet se a do t’i bësh si mësimnxënës apo si mësimdhënës. Nuk e quajmë në fakt askë profesor pasi çdo gjë është me bazë kishe. Kurset kryesore quhet Seria e Parime Bazë dhe seria e kurseve të udhëheqjes.

Për Baçelor ose siç ne e quajmë CMIN është 396 Euro për dy vite;

Për Master është 950 Euro.

Për Doktoratë është 1,520 Euro.

Pjesa tjetër fakulteti siguron bursë. Këto shuma paguhen varësisht se sa zgjat programi. Cilësia e mësimit është shumë e lartë por çmimi është shumë i lirë.

Në përgjithësi janë 8 programe por tri janë bazë: baçelor apo CMIN, master dhe doktoratë.

Vlerësimi bëhet përmes bërjes së kompetencave të cilat kanë kritere akademike se si kryhen me shkrim. Fillimisht studenti e vlerëson vetën, pastaj mentori dhe në fund profesori i asociuar. Pra nuk ka vlerësim me nota, me pikë apo me përshkrim por me përmbushje të kritereve të përcaktuara.

Për momentin në Europë mbi 12 shtete, kurse në botë mbi 80 shtete. Vetëm në Indi dhe Kinë mbi 80.000 studentë po i përdorin materialet e BILD internacional nëpër disa nivele.

Afatet e regjistrimit në Akademinë Shqiptare të Udhëheqjes për Themelimin e Kishave hapet më 15 qershor dhe zgjat deri më 15 gusht të vitit akademik.

Studentët mund të aplikojnë drejtpërdrejt përmes ueb faqes sonë dhe këtu edhe merrni të gjitha njoftimet e duhura.

Mësimet zhvillohen vetëm një herë në javë përmes formave online por edhe fizike ose e kombinuar.

Kohëzgjatja javore është nga 90 minuta e deri në 120 minuta.

Viti shkollor nis më 15 shtator dhe përfundon më 15 janar.

Semestri i dytë, përkatësisht semestri pranveror nis më 1 shkurt dhe përfundon më 15 korrik.

Pushimi dimëror nis më 16 janar dhe përfundon më 31 janar.

Pushimi verorë nis më 16 korrik dhe përfundon më 15 shtator