Kush janë autorët e ungjijve?

Kjo pyetje shtrohet jo aq më nga skeptikët sa nga sulmuesit e krishterimit sidomos disa polemistë iracionalë islam duke mohuar e përçudnuar se gjoja ungjijtë nuk janë autentikë dhe as që dihet kush janë autorët që i shkruan dhe se autorët janë fiktivë dhe emrat e tyre janë vendosur pas vitit 325, na përrallasin këta.

Ikona greke e shekullit të 20-të që përshkruan Shën Ireneu (Wikipedia)

Duke lënë anash dëshmitë e Dhiatës të Re le të shohim burimin me të vjetër që garanton për autorësinë e ungjijve.

Është Shën Irineu i cili u lind në Smirnë të Azisë së Vogël më 140, i njohur si peshkopi i Lionit, dhe në veprën e tij të njohur “Kundër herezive” më 180 shkroi gjerë e gjatë për katër ungjijtë.

Ai shkroi:

Mateu ishte apostull i Jezusit, Marku ishte dishepull i Pjetrit, Luka u bazua në dëshmitarët okularë dhe Palin, e ungjilli i Gjonit u shkrua nga Gjoni apostull i Jezusit.

Irineu ishte dishepull i Polikarpit, e Polikarpi ishte nxënës i Gjonit.

Kaq sa për burimin më të vjetër që dëshmon autorësinë.