Xhevahiri i Kënaqësisë së Krishterë

Ky libër flet për lumturinë. Jo thjesht për çfarëdo lloj lumturie, por për atë lloj lumturie të posaçme, që është pasojë e të qenit besimtar. Ne përdorim fjalë të ndryshme për të përshkruar këtë lumturi. Unë, përgjithësisht, e kam quajtur atë “lumturi të krishtërë” ose vetëm “lumturi”; por nuk duhet të mendojmë se të jesh i lumtur do të thotë, të kesh të gjitha gjërat që dëshiron. Një fjalë tjetër që përdorim për ta shprehur këtë është “gëzim”; por nuk duhet të mendojmë se kjo do të thotë të buzëqeshësh me të madhe kur në fakt ndjehesh i trishtuar. Një fjalë tjetër për lumturinë është “kënaqësia”; por nuk duhet të mendojmë se kjo do të thotë që të pranosh pa qejf vullnetin e Perëndisë vetëm se s'kemi ç'të bëjmë tjetër. Atë që të gjitha këto fjalë e përshkruajnë është kënaqësia e thellë, e brendshme që besimtarët ndiejnë për atë që Perëndia ka bërë për ata. Kjo kënaqësi e brendshsme i lejon ata që të jenë të lumtur dhe të mos ankohen për Perëndinë, edhe kur duket se punët ecin ters; ashtu si një familje e lumtur mbetet e lumtur edhe në kohë pikëllimi, sepse anëtarët e saj janë gjithnjë të kenaqur me njëri-tjetrin.