Të Lindur Skllevër

Pyetja është - a ka njeriu diçka që quhet 'vullnet i lirë'? A mundet një njeri që lirshëm dhe pa ndihmë t'i kthehet Krishtit për shpëtim nga mëkatet e tij? Erasmi përgjigjet: 'Po!' Luteri thotë një 'Jo!' të fortë. Luteri ishte i bindur se 'vullneti i lirë', godet mu në zemrën e doktrinës biblike të shpëtimit vetëm me anë të hirit, vetëm nëpërmjet besimit. Ne duhet të kemi të njëjtën bindje. Ne duhet të luftojmë kundër 'vullnetit të lirë' po aq fuqimisht sa dhe Luteri. Erasmi thoshte: 'Unë mund ta konceptoj "vullnetin e lirë" si një fuqi të vullnetit njerëzor me anë të të cilit një njeri mund të jepet i tëri pas atyre gjërave që të çojnë në shpëtimin e përjetshëm ose të largohet prej tyre'. Kësaj ne duhet t'i japim gjithashtu një 'Jo!' të vendosur. 'Njeriu ka lindur skllav i mëkatit!' Ai nuk është i lirë.