Si të çlirohemi prej hidhërimit?

“Si të çlirohemi prej hidhërimit?”, si një temë e paraqitur në këtë botim është një sintezë. Ky libërth ndahet në pesë kapituj, dhe është shkruar nga tre autorë të ndryshëm, dhe me profesion njëri është teolog, psikiatër dhe tjetri pastor. Sa shumë kemi nevojë për ta lexuar dhe për ta zbatuar në jetë këtë libër. Me miliona tragjedi njerëzore fillojnë pikërisht nga plagët e hidhërimit, zemërimit dhe inatit, andaj ky libër mundohet që t’i sanojë këto kobe nga jeta e njeriut. Për më shumë njëri nga autorët thotë se hidhërimi kalb shpirtin dhe trupin tonë; dhe tjetri thotë se hidhërimi i mbajtur në zemrën tonë fillon ulcerën. Dhe sigurisht se ne kemi dëgjuar që të kenë vdekur sa e sa njerëz nga ulcera. Prandaj po them se ky është një libërth shumë praktik, sigurisht më praktik se cilido botim tjetër, dhe do të jetë i pavlefshëm vetëm për ata që nuk janë hidhëruar kurrë në jetën e tyre.