Pyete mikun tënd Mysliman

Që nga Lufta e Dytë Botërore, popujt islamikë kanë lartësuar veten e tyre
për t’u bërë entitete të fuqishme religjioze dhe politike. Për hir të migrimit të
paprecedentë, shumë jo-myslimanë janë bërë fqinjë me myslimanët në shumicën
e vendeve jo-islamike. Ngjarjet e fundit si sulmi më 11 shtator, 2001 në SHBA dhe
sulme terroriste të panumërta në vende të tjera e kanë sjellë islamin në ballinë të
vëmendjes, duke u ngritur pyetje në mënyrë natyrore rreth këtij religjioni. Deri
tani është bërë e qartë që islami nuk është religjion në kuptimin më të gjerë të
pranueshëm, do të thotë një bindje personale e pastër religjioze. Në të kundërtën,
islami pohon që si religjion qëndron mbi individë dhe kombe, mbi të gjitha sferat
e jetës: besim, etikë, ligj, rend shoqëror, art, edukim, ekonomi dhe politikë.
Në këtë libër unë përpiqem të ofroj një përmbledhje të religjionit të islamit dhe
sulmin e tij më tepër sarkastik ndaj besimit themelor biblik. Unë do të hulumtoj
se si të krishterët munden me konfidencë dhe dashuri të komunikojnë me fqinjët
e tyre myslimanë në përpjekje për t’i korrigjuar perceptimet e tyre shpesh të
çuditshme. Është bërë një përpjekje që të formulohet teksti për t’u kuptuar më
lehtë.