Pa rëndësi janë tjerat

Marrja e dijenisë së qëndrueshme, njerëzve u ka ndodhur se ta marrin vetëm pas përvojave të mëdha jetësore. Pra pa një përjetim personal njeriu nuk ka arritur që të dalë jashtë racionalitetit të tij pragmatik, thenë ndryshe me një proverb popullor se “vetëm ai që është rrëzuar prej dardhe e di atë dhimbje”, mund të shpjegohet me disa fjalë të tjera tema e librit Pa rëndësi janë tjerat, e autores Patricia St. John. Ka shumë histori me figura e personazhe të ndryshme që kanë rënë në shkallë të ndryshme emocionale, sociale apo shëndetësore në fund kanë deklaruar ndoshta se vërtet pa rëndësi janë të tjerat në krahasim me atë që u ka mbetur, qoftë ideal, qoftë dinjitet apo ngjashëm, mirëpo në anën tjetër po ashtu ka shumë histori me figura të shumta reale të cilët të prekur nga Zoti kanë deklaruar po njëjtë: tjerat s’kanë rëndësi.