Kurani dhe Bibla në dritën e historisë dhe shkencës

Libri “Kurani dhe Bibla në dritën e shkencës dhe historisë” i autorit
amerikan Dr. William F. Campbell është përgjigje e plotë dhe e
drejtpërdrejtë e librit “Bibla, Kurani dhe shkenca” e autorit algjerian
(francez) Dr. Marice Bucaille.
Autori W. Campbell e shpjegon me fjalët e tij pse u detyrua ta linte
profesion e tij prej mjeku për disa vjet dhe t’i përkushtohet mësimit të
gjuhës arabe dhe t’i jepte një përgjigje kuptimplote z. Bucaille, libri i të
cilit për herë të parë u botua më 1983 në frëngjisht, por në vitin 1997 ky
libër u botua edhe në shqip nga boshnjakishtja. Arsyet që e kanë shtyrë ta
shkruajnë këtë libër autorin amerikan janë edhe arsyet që na kanë shtyrë
edhe ne si botues kosovar që të ndërmarrim hapin korrenspodues. Me
qindra e qindra myslimanë shqiptarë kudo sot e tërë ditën vazhdojnë duke
polemizuar kundër të krishterëve pikërisht duke u mbështetur tek libri i
z. Baucaille.